Lurrikara izan zen atzo gauerdian, Nafarroan hasi eta Gipuzkoara hedatuta. Lizoain-Arriasgoiti herrian izan zuen epizentroa, aditzera eman dutenez, eta 4,4 gradukoa izan zen lurrikara; baina Hernanin ere nabaritu zuten, hainbat bizilagunek. Lurraren mugimenduak eta elkar jotzen zuten poteek hotsak ohartarazi zituen lurrikaraz, gaueko 00:00etatik minutu batzuk besterik pasa ez zirenean.
Azaldu dutenez, Urumea bailaran nabaritu zena, aurreneko mugimendua izan zen; eta gauean zehar, beste asko ere nabaritu ziren Nafarroan, 40 baino gehiago. Horietako batzuk, Gipuzkoan ere nabaritu ziren berriro.