Nabarralde Fundazioak Euskal Herriko Historia online ikastaroaren edizio berri bat martxan jarri du, eta urriaren 8tik abenduaren 17ra bitartean eskainiko da. Ikastararoaren helburua da «Euskal historiaren eta oroimen historikoaren inguruko gogoeta analitikoa sustatzea», eta euskaraz zein gazteleraz egin daiteke.
Ikastaroa batez ere bi multzorentzat dago zuzendua. Batetik, gaian interesa duten edo beraien jarduna garatzeko prestakuntza behar duten irakasle eta hezkuntza munduko profesionalentzat. Eta bestetik, egungo errealitatean interesa duten eta beraien heziketa pertsonal eta kulturalean sakondu nahi duten ikerlari eta norbanakoentzat.
Izen ematea zabalik egonen da irailaren amaiera arte
90 orduko ikastaroa da eta interesa duenak, iraila amaitu baino lehen eman dezake izena, Nabarralderen webgunean. Ikastaroaren prezio orokorra 150 euro dira, baina Nabarraldeko sustatzaileak eta Ikastolen Elkarteko irakasleentzat, prezioa 100 eurokoa da. Eta ikastaroa amaitzean, ikasleari ikastaroaren ziurtagiria emango zaio.
Ikastaroko e-learning ikaskuntzan oinarritzen da, «ikaslea ikaskuntza prozesuan laguntzeko baliabide ugariak eskaintzen dituelarik».