Aste honetan eginen du bisita berriro, Aranora eta Goizuetara, Liburutegi Ibiltariak. Ostiralean izanen da, eta aldaketa batekin dator oraingoan: ordubetez egonen da Goizuetan, ordu erdiz beharrean, erabiltzaileekin lasaiago egon ahal izateko, azalpenak eta gomendioak ematen.
Horrela, 11:00etan iritsiko da Goizuetara Harkaitz Delgado, Leitzako liburutegiko arduraduna. Ohi bezala, Goxalin zabalduko ditu liburuak, eta 12:00ak arte egonen da bertan.
Bertatik, Aranora joanen da gero, eta 12:30etan iritsiko da. Ordu erdiz egonen da Aranon, orain arte bezala, 13:00ak arte.
Liburuzainak berak aukeratutako liburu eta DVD sorta eramanen du, baina baita herritarrek aldez aurretik eskatutakoak ere. Izan ere, WhatsApp bitartez (617 385 882) edota posta elektronikoz (biblilei@navarra.es) eskatu ditzakete herritarrek, jaso nahi dituzten liburu eta DVDak; eta libre badaude, ostiralean eramanen dizkie bertara.
Abuztuan ez du bisitarik eginen Liburutegi Ibiltariak, Aranora eta Goizuetara. Beraz, aste honetan aukera aprobetxatzera animatu ditu herritarrak.
Literatura
Ostiral honetan eginen du uztaileko bisita Liburutegi Ibiltariak, Aranora eta Goizuetara
Ordubetez egonen da Goizuetan, 11:00etatik 12:00etara; eta Aranon 12:30etatik 13:00etara.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!