Asko izan dira, azken egunetan, agertu diren Koronabirus kasu berriak, foko ezberdinekin. Atzo, 60 kasu berri erregistratu ziren EAEn, eta horietatik 41 Gipuzkoan eman ziren; eta Nafarroan, 21 izan ziren. Horregatik, maskarilla derrigorrezkoa izango da, bai EAEn eta bai Nafarroan, kalean eta espazio itxietan, «pertsonen arteko distantzia edozein izanda ere».
Gipuzkoan, gaur bertan sartuko da neurria indarrean, eta bihartik aurrera izango da derrigorrezkoa, Nafarroan.
Egoerak hartu duen bidea ikusita, erabaki dute neurriak zorroztea, Eusko Jaurlaritzak eta Nafarroako Gobernuak: «desagertu beharrean, zirkulatzen jarraitzen du birusak».
Edozein espazio publikotan da nahitaezkoa maskarillaren erabilera; eta baita hondartzan eta igerilekuetan ere, joan-etorrietan zein paseatzeko.
Nafarroan, 12 urtetik gorakoentzat izango da derrigorrezkoa, maskarillaren erabilera.