Gaur jakingo dugu, zein ariko diren datorren larunbateko finalean, Galarretaren 50garren urteurreneko txapelketan. Semifinala jokatuko dute, 15:15etan Galarretan; eta tartean izango da Aritz Zubiri goizuetarra, txartel preziatuaren bila. Urriza ariko da berarekin, eta kontrario izango dituzte Ansa II eta Larrañaga. Ligaxkakoa bezala (32-35 irabazi zuten bigarrenek), berdindua espero da gaurkoa ere. Osteguneko aukeraketan, pelota motelagoak aukeratu zituzten Urrizak eta Zubirik, aurrelariak aukera gehiago izateko; eta biziagoak kontrarioek, Urriza jokoan sartzea saihesteko.
Jaialdiko bigarren partidua izango da hori, eta aurrenekoan ariko da Endika Barrenetxea hernaniarra, txapelketatik kanpo. Etxarrirekin batera jokatuko du gaurkoan, Goikoetxea V eta Endikaren kontra.