KRONIKA-DOBERA

Hiru sari potolo jokoan, Egunean Behin lehiaketan

Aste honetako sailkapenaren arabera emango dira sariak, eta parte-hartzaile guztien artean zozketatuko dira.

Egunean Behin jokoa denboraldiko azken astean sartu da eta horregatik, Kronika-Doberak duen taldean hiru sari potolo banatuko dira, parte-hartzaile guztien artean. Lehendabiziko postua lortu duenak; Errigora produktuen lote bat, Dobera elkarteko liburuen pack-a eta Kronikan zoriontze bat jartzeko aukera. Lehiaketan bigarren gelditu denak; Sagardo kaxa bat eta Kronikan zoriontze bat. Eta zozketan sarituak; Errigorako produktuen lote bat eta Doberako liburuen pack-a. Bestalde, lehiaketan parte hartzeko eta saria eskuratu ahal izateko, beharrezkoa izango da aplikazioa mugikorrean jaitsita izatea.

Zozketan parte-hartzeko aukera, aste osoan zehar
Saria lortzeko beharrezkoa da Kronika-Doberak duen taldean sartuta egotea. Hala ere, aste osoan zehar egongo da saria eskuratzeko aukera. Izan ere, asteko edozein egunetan sartu daiteke taldera. https://eguneanbehin.app.link/3MAoZRigA7 Hiru egun igaro dira eta atzo 19:00ak arteko sailkapena hauxe zen: Iñaki zegoen lehenengo postuan 242,29 punturekin; bigarren postuan, 12 puntura, Ibai.F dago, lehenengo postua galdu eta gero, 230,24 punturekin; eta sailkapeneko hirugarren postua Izayer-entzako da 223,05 punturekin.