Miguel Indurain bekaren deialdia zabaldu du Miguel Indurain Fundazioak, Nafarroako kirolarientzat; eta ekainaren 16ra arte egin daitezke eskaerak. www.fundacionmiguelindurain.com web orrian dago, deialdiari buruzko informazio guztia. Aurtengoan, 270.000 euro bideratu dituzte Kirol Olinpikoa, Paralinpikoa, Egokitua, Euskal Pilota eta Herri Kirolak programetarako. Joan den urtean, 152 kirolarik jaso zuten laguntza; tartean, Iker Salaberria esku pilotari goizuetarrak. Aurreko urteko emaitzen arabera banatzen dira bekaren dirulaguntzak.