Edozein jakintza alorretatik abiatuta, antzerkia, bertsolaritza, kantagintza, kontalaritza edo euskeraz egiten den ahozko kultur sorkuntzaren baten ikerketa egiteko aukera eskaini du aurten ere Mintzolak: bi deialdi jarri berri dituzte martxan, EHUko Mikel Laboa Katedrarekin elkarlanean.
Batetik, 2.000 euroko bi proiektu sari eskainiko dira: lanak urtebeteko epean egin beharko dira. Bestetik, EHUn gauzatuko den doktorego aurreko ikerketa kontratua eskuratzeko deialdia ere egin da. Kasu honetan, Euskal Herriko Unibertsitateko Euskara eta Ikerketa errektoreordetzek ere babestu dute deialdia.
Deialdi batean zein bestean parte hartzeko, ikerketa proposamenak ekainaren 26a baino lehen bidali behar dira, eta ebazpena uztailaren 20rako jakinaraziko da.
Pello Mari Otaño beka deialdia ere, irekita
Ekainaren 19ra bitarte aurkeztu ahal izango dira proposamenak Pello Mari Otaño bekarako: Aiztondoko ahozkotasuna eta ahozko kultur sorkuntza ikertzeko helburua duten proiektuak hartuko dira aintzat, eta hautatuak 3.000 euroko dirulaguntza jasoko du lana garatzeko. Xehetasun gehiago ondorengo estekan: https://www.mintzola.eus/eu/bertsolaritzaren-ikertegia/ikerketa-kontratu-eta-sariak.