Etxean egon beharreko egun hauek arintzeko familian egiteko moduko esperimentuak proposatu ditu Elhuyarrek apirilerako: #NikEtxeanEsperimentuak. Egun bakoitzeko, bi proposamen egin ditu; haurrentzako bata, eta gazteentzako bestea. Gaurko bi proposamenak dira aurrenekoak. Haurrei, bozgoragailua egiteko ideia eman die, eta gazteei, aire-kanoi erraldoia egitekoa. Egun bakoitzean zer egin antolatzeko, egutegia prestatu du, eta lotura honetan ikusi daiteke; esperimentu bakoitzaren gainean klik eginda, azalpenak ikusi ahal izango dira.