Aukera ona utzi zuten pasatzen Hernaniko mutilek asteburuan, Real Unionen kontra. 0-0 berdindu zuten, azken postuetan dagoen taldearen aurka, eta Ohorezko Erregional mailako lehenengo postua lau puntutara dute orain, partidu bat gehiagorekin gainera. Bigarren postuak puntu bakarrera jarraitzen du, baina aukera bat galdu denaren sentsazioarekin amaitu zen larunbateko partidua.
Albiste ona Hernaniko neskek eman zuten. Jaun eta jabe izan ziren Sestao Riverren kontra hasieratik, eta 4-1 irabazi zuten Euskal Ligako partidua.
Mundarrok, berriz ere irabazi
Bolada onean dagoen taldea Mundarro da. Astigartarrek 0-1 gainditu zuten Santo Tomas Lizeoa Berion. Zortzi partidu jarraian daramatzate astigartarrek galdu gabe eta zortzigarren jarri dira sailkapenean laugarren postutik bi puntura.
Partiduko gol bakarra Joxe Marik sartu zuen, bigarren zatian, iritsi hogei minuturen faltan.