Astigarragako EH Bilduk batzarra deitu du gaur arratsaldeko 19:00etan Kultur Etxeko areto nagusian. Bi gai jorratuko dira nagusiki: batetik, Eusko Legebiltzarrerako apirilaren 5eko hauteskunde deialdiari erantzuteko lanketari ekingo zaio. Helburuak kanpaina diseinatzen hasi eta erronka berri honi erantzungo dion lan-taldea osatzea izango dira. bestetik, lehenengo 8 hilabeteko udal gobernuaren balantzea egingo da herritarrekin. Errepaso labur bat egingo da eta herritarren kezka zein ekarpenak jasoko dira. EH Bilduk dei egiten diete herritar guztiei bertan parte-hartu eta euren ekarpenak eta iritziak partekatzera. Hernanin bilgunea gaur irekita egongo da, 18:00etatik 20:00etara, hautes zerrendaren bozketa egiteko.