Final laurdenetera pasea zeukan jokoan Aimar Olaizola goizuetarrak, Binakako Txapelketako ligaxkaren azkeneko jardunaldian; eta ondo egin zituen lanak, Urrutikoetxearekin batera, Ezkurdia eta Martijari irabazita (22-14). Baina ordurako, ziurtatuta zeukan txartela, Irribarria eta Rezustaren porrotari esker. Orain, Artola eta Imazen kontra ariko dira, semifinalen bila.
Hernaniarren artean ere, izan da emaitza gozorik: palaz, Euskal Herriko Irekia txapelketaren semifinaletara sailkatu dira Garazi eta Olatz; eta eskuz, gauza bera lortu dute Gipuzkoako Trinketekoan, ArluziagaAlegria, Manterola-Urdanpilleta, Mujika-Oiartzabal, Insausti IILasa, Arizmendi-Aldunberri eta Pagola-Alvarez bikoteek. Euskal Herriko Txapelketan, ordea, Lemoaren kontra galdu zuen Hernanik Zumarragan, final laurdenetan (1-2).