Kolorea eta musika alaia izango dira protagonista bihartik, Hernanin eta Astigarragan, Inauterien hasierarekin. Hernanin, 15:15etan izango da jaien hasiera Plazan, eta arratsaldean denetik izango da: erraldoi eta buruhaundiak, Gora Kasete ikuskizuna Plaza Berrin, Musika Bandaren kontzertua Milagrosan... Astigarragan, berriz, Superheroiak emanaldia eskainiko dute Herri Eskolako ikasleek, 14:30etan kiroldegian. Goizuetan, igandean hasiko dira Inauteriak.