Hernaniko saskibaloi taldeko lehenengo mailako taldeak, Debasket izan zuen aurkari, pasa den asteburuan, eta ezin izan zuten hau garaitu. 67-59 amaitu zen partidua, orain Hernani 11. postuan doa, 24 punturekin. Mundarroren kasuan, CD Internacionalen aurkako norgehiagoka izan zuen, eta Mundarro atera zen garaile, 64-68 emaitzarekin, eta ondorioz astigartar taldea 11. postuan doa, 23 punturekin, Hernani aurrean duela, puntu bateko diferentziarekin.
Junior errendimenduan, Hernani garaile
Etxean jokatu zuten Hernaniko Junior taldekoek. Zaleen anim o eta esfortzuaren ondorioa izan zen lortutako emaitza (52-46). Beraz, sailkapenean 6. postuari eusten diote juniorrek, 19 puntu lortuta.
Mundarroko 2. mailako nesken taldeak, ez zuen emaitza positiborik lortu, galdu egin baitzuen Bergara Soraluze taldearen aurka (42-36). Hala ere, postu onean jarraitzen dute, klasifikazioan 4. postuan baitoaz, 24 punturekin, eta aurretik Bergara Soraluze daukate, puntu batera.