Etxean jokatuko dute asteburu honetan, Hernanik eta Mundarrok, mutilen Gipuzkoako 1go mailan; eta aldiz, kanpoan ariko da Mundarro, nesken Gipuzkoako bigarren mailan.
Zailtasun ezberdineko partiduak izango dituzte, mutilen taldeek. Hernanik, Donosti Dolphins indartsua hartuko du kiroldegian, gaur arratsaldeko 18:00etan hasita. Sailkapeneko laugarrena da talde donostiarra, 16 partidutik 12 irabazita, eta ez dute lan erraza izango hernaniarrek, denboraldiko zazpigarren garaipena lortzeko.
Mundarrok, berriz, azkeneko sailkatua hartuko du kiroldegian, 18:00etan. Askatuak taldearen kontra jokatuko du, seigarren garaipena lortu eta azkeneko postuetatik ihes egiteko asmoz.
Mundarroko neskak bihar, Donostiako Paco Yoldin
Gaur ez, bihar jokatuko dute Mundarroko neskek, Gipuzkoako bigarren mailakoa. Bera Bera Gros taldearen kantxan ariko dira, Donostiako Paco Yoldin, eguerdiko 12:00etan hasita.
Bigarren postuari eutsi nahi diote astigartarrek, baina horretarako, kontrario arriskutsua menderatu beharko dute. Zortzigarren dago Bera Bera, 12 partidutik sei irabazita.