Olaberrian jokatu zen asteburuan Gipuzkoako Binakako Txapelketaren bigarren jardunaldia. Hirugarren postuan jarraitzen dute Miel Arrozpide hernaniarrak eta Antonio Goenaga altzatarrak osatzen duten bikoteak. Bien artean 166 brila dauzkate batuak. Bigarren sailkatuek ere 166 dituzte. Ceferino eta Imanol Aguirre zerbait urrutiago daude 172 brilarekin lehenengo postuan. Leandro eta Ibon Miner osaba-iloba ereñotzuarrak ere lehiatzen ari dira eta seigarren daude kokatuak 150 brilarekin. Bi postu galdu dituzte jardunaldi honetan. Nesketan Martxeli Kanflanka eta Nagore Miner ereñotzuarra laugarren daude sailkatuak eta lehendabizikoak dira sailkapenean Aitziber Ugalde eta Bea Unzue.