Hodei Lujanbio goizuetarra bigarren, Negu Trailen

Aurreko denboraldiaren bidetik hasi du berria ere, mendi las­ter­ketetan, Hodei Lujanbio goizue­tarrak.­ Berastegiko Negu Trail proban aritu zen igandean, eta bigarren sailkatu zen, maila haun­diko korrikalari ugari ber­tan zirela. Iñaki Olano altzota­rra (1:24:05) soilik izan zuen aurretik Lujanbiok (1:26:03), eta urruti utzi zituen atzekoak, gainera. Aitor Regillaga tolosarra izan zen hirugarren (1:28:31).

«Oso sentsazio onak» izan zituela nabarmendu, eta «espe­ro gabeko emaitza» lortu zuela onartu zuen goizuetarrak.

Hasieratik egin zuen ihes Olanok, eta minutu bateko aldea zeukan, lasterketa erdi parera­ko. Puntu horretara, ordea, Re­gi­llagarekin batera iritsi zen Lu­janbio, eta hortik aurrera utzi zuen atzean, Ipuliño azkene­ko tontorrera igotzen eta hel­mugara jaisten.

Eta podiumera igotzetik oso gertu izan zen Koro Astiz her­naniarra ere: laugarren izan zen emakumezkoetan (1:57:37). Aurretik izan zituen Andrea Ga­ray gasteiztarra (1:45:35), La­ia­ne Arrospide tolosarra (1:53:35) eta Oihana Zubillaga anoetarra (1:53:54).

Urumea bailarako korri­ka­lari gehiago ere izan ziren ber­tan. Xabier Barandiaran izan zen astigartar bakarra, 143ga­­rren pos­tuan (2:00:23); eta beste be­de­ratzi hernaniarrek hartu zuten parte: Xabat Pagola  34ga­rren (1:43:26), Isma­el Mateo 53ga­rren (1:46:32), Aitor Urruzola 61ga­rren (1:47:36), Jon Ander Ola­zabal 95garren (1:53:33), Julen Zulaika 101garren (1:54:27), Xa­­bi­er Lekuona  106ga­rren (1:55:25), Mikel Ruiz de Ga­la­rreta 216ga­rren (2:14:43), Iker Zu­rutuza 234ga­­rren (2:26:26) eta Jon Erdo­zia 240garren (2:27:12). 264 korri­kalarik bukatu zuten proba.