Asteburuko partiduei gaur emango diete hasiera CD Hernani eta Mundarroko futbolariek, eta bi elkarteetako gorengo taldeek gaur jokatuko dute; etxean, gainera.
Jokatzen aurrenekoa Mundarroko Preferenteetako mutilen taldea izango da, 15:30etan Zarkumendegin ariko baita. Urnieta izango du aurkari. Itxuraz, irabazteko moduko norgehiagoka, azkenaurrena izateaz gain, porrotetik baitator aurkaria, eta bi segidan irabaztetik, Mundarro.
CD Hernaniko mutilen ohorezko mailako taldea ere ederki ari da lanean. Azken hiru partiduak irabazita, hirugarren dijoa, eta 7 puntuko aldea ateratzen dio gaurko aurkariari; Mutrikuri.
Euskal Ligako neskak, bestalde, bolada kaxkar batetik datoz, baina aukera bikaina daukate gaur, zuzeneko aukariari, postu bat gainetik dagoen Oiartzuni irabazi eta puntuak biltzeko.