Iturola elkarlan sorgunera heldutako askok lan egiteko esparru baten bila genbiltzalako iritsi ginen hona. Besterik ez. Bertan jakin izan genuen ekonomia eraldatzaileaz, jasangarritasunaz, zaintzaz eta saretzeaz, besteak beste. Balio haiek gure enpresa egituran txertatu genituen, gureak eginez, ez inposatzen zizkigutelako, baizik eta haietan sinesten genuelako. “Bizitza eta pertsonak erdigunean”, nola ez sinestu?
Aitzitik, ekonomia soziala ardatz dugun enpresok irizpide kapitalista huts(al)ak dituztenekin elkar-bizi behar dugu. Merkatu bakarra guztiontzako. Gu ere lehiakorrak izan behar gara; epeak bete, prezioak estutu… eta horrek gure balioak nahi baina gehiagotan irenstera eramaten gaitu: lanaldi luzeak, asteburuen zaurgarritasuna… Eta berriro Ruperren galdera airean.
Gabiltzan harriak gara gutako asko, harri ibiltariak, bizitzaren korronteak batetik bestera biraka eraman gaituena. Harri bat gauza gutxi da, baina milaka, milioika harrik presak, eraikinak eta mendikateak osatzen dituzte.
Mikel Aristregi
Ikusentzunezko lantegia.
www.mikelaristregi.com
Hernaniko Elkarlan Sorgunea
Iturola.eus
Florida Auzoa,28 - 20120 Hernani