Martxan da janari bilketa, Sahararen aldeko Euskal Karabanak antolatuta; eta gaur arte jasoko dituzte produktuak, Astigarragako Herri Eskolan. Herriko dendetan, berriz, ostiralera arte egingo dute bilketa: Alicia frutadenda, Coviran Ainhoa, Coviran Isabel, Eroski, Ezpela naturdenda eta Zubitxo frutadenda.
Hernanin, berriz, hilaren 31 izango da azkeneko eguna laguntzeko, herriko eskoletan eta Biteri kultur etxean. Eta ostiral eta larunbat honetan, supermerkatuetan egingo dute bilketa. Horretarako, eskulana ere eskatu dute, janaria biltzen edo kaxak antolatzen, esaterako. Lagundu nahi dutenek, telefonoz deitu dezakete: 655 738 562.
Honakoak dira, kanpainan bereziki eskatu dituztenak: lekaleak, arroza, pasta, hegaluzea zein sardinak oliotan, azukrea eta konpresak.