Etxean jokatu dituzte jardunaldi honetako partidu guztiak, Hernaniko eskubaloi taldeek; eta «asteburu ederra» izan dela nabarmendu du taldeak: «kiroldegiko harmailak gaztetxoz beteta egoteak, erakutsi du posible dela eskubaloiaz gozatzea».
Eta zaleen bultzada, bereziki neskek aprobetxatu zuten, oso emaitza onak lortzeko. Berdindu egin zuten neska jubenilek, Egiaren kontra (19-19); eta garaipena eskuratu infantilek, Irauliren kontra (26-16), eta kadeteek, Mutrikuren kontra (19-17). Neska infantilak, gainera, lider dira beraien multzoan, fase hau bukatzeko partidu bakarra falta zaienean.
Mutilen taldeen emaitzak, berriz, apalagoak izan ziren. Mutil jubenilek galdu egin zuten, Egia 3ren kontra, gutxigatik (33-36); eta porrota jaso zuten mutil kadeteen bi taldeek ere, Bidasoaren (29-32) eta Arrasateren (23-35) kontra. Infantil mailan, berriz, garaipen eta porrota bana.
Mundarrok galdu, Zumaian
Etxean ez, kanpoan aritu dira Mundarroko neska jubenilak, Zumaian; eta hirugarren porrota jaso zuten, Pulpo taldearen kontra (27-24).