Asteburu honetan ekingo diote Iker Salaberria eta Aimar Olaizola goizuetarrek, binakako txapelketaren bigarren itzuliari.
Iruñeako Labriten jokatuko du Salaberriak gaur 17:45etan, Garmendiarekin, Egiguren V eta Erostarberen kontra. Zazpi partidutik bi irabazita, bigarren itzuli borobila osatu behar dute, aurrera egin nahi badute.
Olaizola, aldiz, Zumaiko Aitzurin ariko da bihar, 17:00etan. Urrutikoetxea lagun, Bengoetxea VI eta Mariezkurrena IIren kontra ariko da. Egoera berean dago bera, zazpitik bi irabazita.
Afizionatuen mailan, berriz, Gipuzkoako Trinkete Txapelketaren semifinalak jokatuko dituzte gaur, Iruran, bost hernaniarrek: Mattin Arluziaga, Unai Etxarri, Oinatz Insausti, Mikel Lasa eta Unai Alvarez.
Bigarren itzulia hasiko dute, Labriten goizuetar gazteak, gaur 17:45etan; eta Aitzurin beteranoak, bihar 17:00etan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!