Torneo berriak martxan, bailarako palistentzat

Bi txapelketa berri hasiko dituzte bailarako palistek, asteburu honetan: Udaberriko Txapelketa eta Euskal Herriko Liga.
Gipuzkoa mailan jokatuko dute Udaberrikoa, Hernaniko eta Astigarragako neska-mutilek. Mundarroko mutil nagusiek Tolosako Beotibarren jokatu­ko dute gaur, 12:00etan, Tolosaren kontra. Eta neska jubeniletan, Hernaniko bi talde elkarren kontra ariko dira herrian, gaur 15:00etan; eta Zumaiako Aitzurin ariko da hiru­garren talde bat, goizeko 10:00etan, Zumaiaren kontra.
Euskal Herriko Ligan, berriz, neska nagusiak, jubenilak eta kadeteak ariko dira. Nagusietan, Iruñean jokatuko dute gaur Amaia Irazustabarrenak eta Ariane Arrietak, 17:00etan, Oberenaren kontra. Eta jubenil zein kadeteek, sistema berezia izan­go dute: ligaxka eta kanporaketak jokatuko dituzte, txapelketako jardunaldi bakoitzean. 
Aurrenekoa Arabako Abetxukon jokatuko dute Enara Mazizior eta Garazi Urdangarin jubenilek, gaur 16:00etan; eta Gure Pilotaren kontra ekingo diote, final laurdenetan. Eta Maddi Iriondo, Alaitz Barrenetxea eta Ane Kerejeta kadeteek, berriz,  Hernanin hasiko dute txapelketa, gaur 17:00etan; ligaxka eta finala jokatuko dituzte, Elorrio eta Ataunekin batera.