Olentzero etxeetara iritsi aurretik, hainbat txoko bisitatuko ditu, baita Urumea bailaran ere. Goizeko 11:30etan abiatuko da Astigarragakoa, Mari Domingirekin batera, Santiomenditik. Eta Hernanikoa, aldiz, arratsaldeko 18:00etatik aurrera ibiliko da Kaxkoan zehar, Ttarla dantza taldearen eskutik. Horrez gain, eguerdiko 12:00etan Kantuz abesbatzak alaituko ditu kaleak; eta gauza bera egingo du Hernaniko Musika Bandak, gauez, iluntzeko 20:00etatik aurrera.