Dagoeneko kalean da Kronikak argitaratutako Latxe aldizkariaren 16. alea. Ohi bezala, Kronikaren bulegoan (Larramendi kalea, 11) jaso ahal izango dute harpidedunek; han ere erosi dezakete nahi dutenek, baita Dorronsoro okindegietan ere, Lizeaga kalean nahiz Akarregi poligonoan.
Albiste tristea, bukaeran
Ale honetan zehar, Olentzeroren istorioan murgiltzeko aukera izango dute etxeko txikienek.
Azkeneko orrialdean, ordea, albiste tristea dakar: «atseden pixka bat hartzeko garaia iritsi da. Noiz arte, ezin jakin», iragarri dute. Hori horrela, Burruntzi, Kattagorria eta Dortokaren istoriorik gabe hasiko dugu 2020. urtea, baina nork daki, nola bukatuko ote dugun!
Harpidedun, irakurle eta laguntzaileei, eskerrak
Latxe ezin agurtu daiteke, aldiz, eskerrak eman gabe, bai irakurle, baita harpidedun eta bidean izan diren laguntzaileei ere: «abentura hauek denak zuen laguntzarekin, irakurle guztien laguntzarekin bizi izan dituzte gure lagunek. Eskerrik asko, bide hau guztia gurekin egiteagatik», dio 16. alearen azkeneko orrialdeak.