Mundarro eta Hernani gizonezko senior taldeek asteburuan jokatuko dituzte urteko azken partiduak. Jardunaldi ia osoa atzo jokatu zen, baina hernaniarrek eta astigartarrek gaur eta bihar jokatuko dute. Lehendabizikoak kantxaratzen hernaniarrak izango dira. Gaur, 12:00etan, Atléticoren bisita jasoko dute kiroldegian. Mundarrok, berriz, gehiago itxaron beharko du. Bihar Zarautzen ariko da, 18:00etatik aurrera.
Irabazi daitezkeen partiduak
Bai hernaniarren eta astigartarren aurkariak ez dira sailkapeneko lehenengo postuetan daudenak, beraz irabazi daitezkeen norgehiagokak dira. Atlético zortzigarrena da eta Hernani 13garrena bi garaipen gutxiagorekin. Zarautz eta Mundarro berdindurik daude launa garaipenekin, bederatzi eta hamargarren.