Gaur arratsaldean, Ereñotzun eta Hernanin kontzertuak eskainiko dituzte, gabonetako beroketa gisa.
Bi kontzertuak ordu berean eskainiko dira, arratsaldeko 19:00etan. Ereñotzuko kontzertua, Doinu Zaleko ikasle eta akordeoi orkestraren, eta Ozenkiren eskutik izango da. Eta Biterikoa berriz, Hernaniko Musika Eskolako teklatu taldearen eskutik.
Gabon Kanten jaialdia, bihar
Bihar, Gabon Kanten jaialdia ospatuko da Hernaniko San Joan Batailatzailearen elizan, arratsaldeko 20:00etan. Urtero, Kantuz Abesbatzak antolatutako ekimena da biharkoa, eta beste Abesbatzak gonbidatzeko ohiturari eutsiz, bertan izango dira; San Joan Parrokiako Abesbatza, Musika Eskolako Abesbatza Gaztea, Dakapo Abesbatza, Goiz Eguzki Abesbatza, Ozenki Abesbatza eta Kantuz Abesbatza, noski.
Santo Tomas eguna, oraindik ospatzeko
Etzi, Santo Tomas eguna ospatuko da Urumea bailarako bi eremutan, Ereñotzun eta Hernanin, hain zuzen ere. Ereñotzuko Santo Tomas festa Txirrita ikastolan ospatuko dute, eta 11:30etarako prest izango dituzte talo eta pintxoen postuak, bertako auzotarrak eta gurasoak bapo jan dezaten.
Hernanin berriz, Gabriel Zelaian ospatuko da Santo Tomas eguna, Zelabideko auzo elkartearen eskutik.
Larunbatean ere Santo Tomas ospatuko da, Goiz Eguzkin, eta goizeko 11:00ak aldera sariak eta zozketak egingo dira. Horrez gain, Gabonetako Kontzertua eskainiko da, arratsaldeko 20:00etan, Hernaniko San Joan Batailatzailearen Elizan, Ozenki, Umore Ona abesbatzaketa Hernaniko Musika Banda izango dira kontzertua emango dutenak.
Igandean berriz, Urumea Ikastolan ospatuko da Santo Tomas eguna, Gibelalde auzo elkartearen eskutik. 12:30etatik aurrera izango da txistorrada, eta 13:00ak aldera izango da zozketa.
Eta astelehenean, Musika Eskolako Olentzeroa egongo da Hernaniko erdigunean, eguerdiko 12:00etan.
GABONETAKO EKINTZAK
HERNANI
GAUR
19:00, Musika Eskolako teklatu taldearen kontzertua, Biterin.
BIHAR
20:00, Gabon Kanten Jaialdia, San Joan Batailatzailearen Elizan.
ETZI
11:00- 14:30 Santo Tomas, Gabriel Zelaian.
ABENDUAK 21
11:00-14:00 Santo Tomas, Goiz Eguzkin.
20:00, Gabonetako kontzertua, Umore Ona, Ozenki eta Hernaniko Musika Bandaren eskutik, San Joan Batailatzailearen Elizan.
ABENDUAK 22
12:30, Santo Tomas, Urumea Ikastolan, eta 13:00etan zozketa.
ABENDUAK 23
12:00, Hernaniko Musika Eskola Publikoko Olentzeroa, erdigunean.
EREÑOTZU
GAUR
19:00, Kontzertua elizan, Doinu Zaleko ikasle eta akordeoi orkestraren eta Ozenkiren eskutik.
ETZI
11:30, Santo Tomas, Txirrita ikastolan. Talo eta pintxo postuak egongo dira, auzotar eta gurasoentzat.