Hiru egunetan musika emanaldiak izango dira nonahi, Urumea bailara osoan.
Hernasax eta akordeoiak, etzi
Aurrenekoak Hernani Musika Eskolako Hernasax saxofoi taldea eta akordeoi orkestra izango dira; Milagrosan emango dute Gabonetako kontzertua etzi, 19:00etan.
Asteburuan, lau hitzordu
Gainontzeko emanaldiak asteburuan izango dira. Astigarragako Eragiyok abesbatzak Cambeseko (Akitania Berria) San Martin elizan kantatuko du larunbatean, 20:30etan.
Eta igandean, hiru emanaldi izango dira: Astigarragako elizan, 12:30etan Gabonetako kontzertua emango dute Aiztondo abesbatzak eta musika eskolako musikariek; Goizuetan, Umore Ona abesbatzak kantatuko du 12:30etan elizan; eta Hernaniko Goizetik txistulari taldeak 13:00ean emango du Milagrosan Gabonetako kontzertua. Juan Jose Arregi apaizaren obrak nabarmenduko ditu.