VI. Sagardo Apurua, Astigarragatik Donostiara sagardoa izango da ibildidearen burua

Lau egunetako egitarau erakar­garri bat dago prestatuta, etxe­ko haundi zein txikientzat, Sa­ga­rdoarekin gozatzeko eta ika­s­teko.  Sagardo Apurua Sa­gar­do Ro­u­te, Gizpuzkoako Sa­ga­r­­dogileen Elkartearen orde­zka­riak antolatzen du, «Euskal Sa­ga­rdoa, ba­­tzen gaituen produ­k­tua» lelopean.

VI. Sagardo Apurua, atzo hasi zen, baina ostegunean be­ro­keta moduko bat antolatu zen Astigarragan. Arratsaldeko 16:30e­­tan sagardo berriaren eta ba­se­­rriko produktuen iritsi­era e­gon zen Astigarragako Herri Es­kolan, eta jarraian, kale­jira batekin, herria girotu zuten astigartarrek. Bidean zehar, idiek, sagardo berria garraiatu zuten, trikitilarien eta Goldeako kide­en laguntzarekin. Ama­i­tzean, sa­gardo berria eta baserriko pro­duktuak, a­la on­tzian sartu, eta Lizeaga sagar­dotegiaren ondotik, Uru­me­an barrena, Donostiraino bidali zi­tuz­­ten. Osteguna ama­itze­ko, arratsaldeko 18:00ak al­dera, mokadu txiki bat eskaini zitzaien kalejiran parte hartu zuten herritar guztiei, Lizeaga Sagardotegian.

Atzo sagardo berriaren eta baserrikoaren iritsiera

Atzo, goizeko 11:30etan, sagardo berria eta baserriko produktuak, Donostiako Frantzia paseale­kura heldu ziren, eta heldu be­zain pronto, Aitor Mendiluze eta Agin Labururen bertso sola­saldia hasi zen.

Jarraian, sagardo berria eta ba­­se­­rriko produktuak, Sagardo A­pu­rura garraiatu zituzten, eta bertan Sagardo Apurua 2019 inau­gurazio ekitaldia anto­latu zuten, Hika teatroaren es­trei­naldia Sagar Haragiz emanal­diarekin batera.

Arratsaldean, txerria dastatzeko aukera paregabea egon zen, eta ondoren dastatze gidatuak egon ziren, (3 pintxo eta 3 sa­­­ga­rdo).

Gaur, bihar eta etzi

Gaur, goizetik hasiko dira ekintzak, hala nola, 10:30etan uzta berriaren aurkezpena 7 lurral­de­­­en izenean. Atsedenaldi bat egin ondoren, 13:00ak aldera, das­tatze gidatua egongo da, 3 pin­txo eta 3 sagardo aukeran. Arratsaldean berriz, bertso-das­tatze musikatua egongo da, Aitor Mendiluze eta Unai Agirre bertsolarien eskutik, eta Imanol Kamio musikariaren laguntzaz.  Jarraian, Miren Narbaizak kon­tzer­tua eskainiko du MICE aurkeztuz.

Bihar 11:30etan hasiko dira ekintzak, eta lehena, museo e­no­­­gas­tronomikoen sarean  40' ko tailerrak izango dira, hala nola, Sagardoetxea, Igartubeiti, Gaztaren Interpretazio Zentroa, Txakolingunea, eta Gatz Muse­o­a. Ondoren, Sergio Nguemak eskainitako hainbat dantza eta kontzertu egongo dira, hala nola, dantza klasearen master­klasa, kale dantzaren ka­lejira e­ta kontzertua. Egu­erdiko 14:00e­tan, Juan Di Lago DJaren eskutik itxiera jaialdia egongo da.

Astelehena, azken eguna

Etzi, Sagardo Apuruaren azken eguna ospatuko da, eguerdiko 13:00ak inguruan, harrera egingo da, eta jarraian, bazkari maridatuaz gozatzeko aukera paregabea eskaintzen dute an­to­latzaileek, bazkari hau, E­u­s­kal sagardoak bertako produk­tuekin uztartuko dituen otordua izango da, Diametro 200 jatetxearen eta Luis Irizar eskolaren eskutik.

Arratsaldean 18:00ak alde­ra, Da­ni Corman izango da, Nazi­oarteko Sagardoak aurezten, eta egunarekin amaitzeko, Show Ro­oma egingo da, eta bitartean, Euskal Herriko gaztak eta Eusko Labela duten haragiak modu desberdinetan prestatuta dastatzeko aukera izango da Txomin Parrilaren eskutik.

Denentzat lekua Sagardo Apuruan

Antolatzaileek bertaratzeko go­n­­­­­­bi­­­­te­a luzatu dute, honakoa adieraziz; «sagardo tra­­­­gox­ka ba­­­koitzean dastatu a­­hal izango ditugu mendeetako historio eta istorioak».