Hernaniko lehenengo mailako seniorrek, galdu egin zuten Zarautzen aurkako partiduan (69-65). Lehenengo laurdenean, zarauztarrak nagusitu ziren, baina bigarrren laurdenean, Hernani parean jarri zen. Hala ere, azken bi laurdenetan, Zarautzek gogor jokatu zuen eta lau puntuko diferentziarekin irabazi zuen partidua.
Mundarroko seniorrek ere ez zuten emaitza ona lortu eta porrotarekin itzuli ziren etxera. 68-57 galdu zuten Ordiziaren aurka. Lehenengo laurdenetik nagusitu zen Ordiziko taldea, hala bigarren laurdenean, Astigarragakoek aurrea hartu zuten, eta Ordiziaren aurretik posizionatu ziren. Atsedenaldia ondoren, Ordizikoak pilak kargatuta itzuli ziren, eta Mundarro garaitu zuten.
Senior nesketan ere, ez zen garaipenik egon, Mundarroko neskek galdu egin baizuten Goierri taldearen aurka. Partidua oso orekatua izan zen, lehenengo laurdenean Astigarraga puntu bateko diferentziarekin posizionatu zen Goierri atzean utzita, bigarren laurdenean berriz Goierrik aurrea hartu zion, zortzi puntuko diferentzia ateraz. Atsedenaldia ondoren, berriro ere Astigarraga izan zen hirugarren eta laurgarren laurdeneko garaile, baina oso diferentzia gutxi aterata Goierriri. Azkenik partidua (76-74) amaitu zen.