Musikarien eguna baino, musikarien astea ospatu zuten ia, Urumea bailaran. Ostiralean izan zen Santa Zezilia eguna, eta aurreko asteburutik hasita, joan den igandera bitarte luzatu ziren ospakizunak. Saio berezi bana eskaini zuten txistulari hernaniar eta astigartarrek, asteburuan; eta Andre Maria elizan kantatu zuten Kantuz eta Aiztondo abesbatzek, larunbatean.