ASTEBURU garrantzitsua zen esku pelotan, Gipuzkoako Txapelketaren finalak jokatzen zirelako. Nagusien mailan CD Hernaniko Lizeaga eta Expositok ezin izan zuten final haundia irabazi, Lazkaoko Zubizarreta eta Quinoren kontra 22-14 galdu eta gero. Beraz azpitxapeldun geratu dira. Postu berdinarekin konformatu behar izan dute Mundarroko Lizeaga anaiek, jubeniletan. Hauek ere finala Tolosako Amiano eta Suduperen aurka 22-19 galdu zuten eta azpitxapeldun geratu dira. Nagusien bigarren mailan ere azpitxapeldun geratu dira Mundarroko Loidi eta Santxez. Finalean 22-20 galdu zuten Oliden eta Orbegozoren kontra.
Palan finalera sailkatu dira
Legarreta, Ramos eta Zubimendi hernaniarrak finalean sartu dira palan Lehenengo mailan. Itzulerako partidua 23-25 galdu zuten Ramos eta Legarretak, baina joaneko emaitzaren abantaila ongi baliatu zuten.