Denboraldi hasiera zaila izan du Mundarrok, mutilen Gipuzkoako lehenengo mailan. Baina azkeneko lau partiduetatik bi irabazita, egoerari buelta ematen hasita dira. Gaur jokatuko dute, ligako zortzigarren jardunaldia, 16:00etan Oiartzungo Elorsoro kiroldegian. Oiartzungo Saskilagunak taldea izango dute aurrean, eta hirugarren garaipena bilatuko dute astigartarrek. Atzo jokatu zuten, aldiz, Hernaniko lehenengo mailako mutilek eta Mundarroko bigarren mailako neskek.