Probintziako finalak gaur, bailarako zazpi esku pelotarik

Sekulako asteburua izango da, Urumea bailarako esku pelo­ta­rien­tzat. Probintziako finala jo­katuko dute zazpi lagunek, gaur bertan, lau partidutan.

Nagusien ohorezko mailako finala dute jokoan, Hodei Expo­sito astigartarrak eta Markel Li­zeaga hernaniarrak. Idiazabalen jokatuko dute, goizeko 11:00etan hasita, Gipuzkoako txapela na­gusiaren bila. Lapkeko Iraitz Zu­bizarreta eta Ander Quina izan­­go dituzte aurrean, Euskal He­­rri­ko txapeldunak; eta parti­du berdindua bezain ikus­ga­rria espero da. Pelotazale guztiei lu­zatu die deia Hernaniko Pelota Eskolak, bertaratu eta he­rri­ki­deak animatzeko.

Eta gaur arratsaldean, Gi­puzkoako finala jokatuko dute, baita ere, Astigarragako bi biko­tek. Tolosako Beotibarren ariko dira, 16:30etan hasita. Aurrena, Ekain eta Eñaut Lizeaga anaiek jokatuko dute, jubenilen lehe­nen­go mailako finala, Tolo­sa­­­ko Amiano eta Suduperen kon­tra. Eta segidan, nagusien bi­ga­­rren mailakoa daukate, Ha­rri Loidi eta Jokin San­txezek, Añorgako Oliden eta Orbego­zo­ren kontra. 
Gipuzkoakoa ez, Nafarroako finala jokatuko du, bere aldetik, Axel Salaberria goizuetarrak. Benjamin mailako txapela bila­tuko du eskuz banaka, goizeko 10:00etan Iruñako Labriten, La­rraungo Bildarrazen kontra.

Palistek, semifinala atzo

Hernaniko palistek, berriz, se­mifinala zeukaten jokoan, atzo iluntzean, Hernanin. Ramosek eta Zubimendik joane­ko­an lor­tu­tako 25-16ko aldea defen­da­tu behar zuten, Tolosa­ren kon­tra, finalera pasatzeko; eta Man­te­ro­lak eta Arandiak, semifinalen joaneko partidua zeukaten jo­ko­an, Zarautzen kontra.