Tokikom Sariak

Kronikak jaso du, urteko erreportaje onenaren Tokikom Saria

Kronika - Erredakzioa 2019ko aza. 15a, 11:28

'Urik gabeko urtegi, orain laborategi' lana aukeratu dute, 2019ko erreportaje onena. Goienarentzat izan dira ikus-entzunezko eta portada onenaren sariak.

Kronikak jaso du erreportaje onenaren saria, gaur goizean, Tokikom Sarien banaketa ekitaldian. Urik gabeko urtegi, orain laborategi erreportajea, Artikutzako urtegiari buruzkoa, aukeratu du epaimahaiak, 2019ko erreportaje onena, Tokikom osatzen duten tokiko hedabideetan. Artikutzako urtegi hustu berrian, bioaniztasunaren inguruan egin zituzten ikerketak landu zituen Kronikak, erreportaje horretan.

Basauriko Ibaigane kultur etxean izan da ekitaldia, eta bertan saritu dituzte, baita ere, ikus-entzunezko eduki onena, eta portada onena: Goienak jaso ditu biak, 'Antropozenoa' portadarekin, eta 'Debagoiena eraldatzen' ikus-entzunezko lanarekin.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!