Hauteskunde orokor hauetako joera bera jarraituta, Aranon eta Goizuetan ere parte hartzea jaitsi egin da azaroan apririlarekin alderatuta. Goizuetan nabaritu da gehien beherakada hori; %71etik %64ra jaitsi delarik. Aranoarren %54,55ek bozkatu du, 54 lagunek, aurreko %42,42aren aurrean.
Bi herrietan, EH Bildu izan da garaile, eta igota, gainera. Beraz esan liteke hegemonia mantentzen duela. Alde izugarria ateratzen die beste alderdiei.
Aranon botoen %63,46 lortu ditu (33 boto); aurrekoan, %55,56. Hiru boto igotzea lortu du eta hori parte hartzea jaitsi delarik. Kasu berdina gertatu da Goizuetan. Botoen %77,96 lortu du (290 boto); aurrekoan, %68,74. Bi boto gehiago, baina portzentaian igoera asko nabari da partaidetza baxuagoa izan delako.
Beste alderdien presentzia bai Aranon eta bai Goizuetan testimoniala da. Emaitzak ikusi besterik ez dago. Igoera lortu duen bigarren alderdia Goizuetan PSN izan da 25 botorekin guztira. Lau boto gehiago lortu ditu eta bigarren postuan berdinduta geratu da Geroa Bairekin. Hori bai, hauek 56tik 25era jaitsi dira. podemosek 16 boto lortu ditu eta Navarra Sumak zortzi. Araon Geroa Baik zazpi boto lortu ditu, PSNk bost eta Podemosek lau.