futbola

Aukera politak, asteburuan

Hernaniko mutilak etxean ariko dira; neskak eta Mundarro, kanpoan.

Hernaniko mutilak etxean ariko dira;  neskak kanpoan, eta Mundarroko mutilak ere bai. Denek gaur jokatuko dute.

Hernaniko mutilen bi taldek etxean jokatuko dute gaur. Ohorezko Erregional taldea Elgoibarren kontra ariko da, 16:30etan. Bost puntu gehiagorekin eta bost postu gorago egonda, eta etxean jokatuta, abantaila aprobetxatzea izango dute helburu. Jubenil Na­zional ligako taldea, bestalde, Antiguokoren kontra ariko da, 18:30etan. Puntu bat gehiagorekin, bi postu gorago dago arerioa, eta etxekoen babesean jokatzea aprobetxatzen saiatuko da Hernani. Neskei dagokienez, Euskal Ligako taldeak aukera polita dauka, sailkapenean au­rretik duten Erandioko taldeari koxka bat kentzeko; haiek laugarren dira, 16 punturekin, eta hernaniarrak bosgarren 12rekin. Aurrez aurre izango duten taldea, berriz, Leioako Ema­ku­meak, zazpigarren. Sarrienan jo­katuko da partidua, 15:30etan. Mundarroko gorengo taldea, berriz, Mitxelinen ariko da gaur, 17:15etan, Ostadarren kontra. Bost postu gorago dago aurkaria, baina hiru puntukoa da aldea.