Nafarroako Gobernuak eta Landa Garapenerako Europako Nekazartiza Funtsak (LGENF) finantzatuta, 647.181,86 euroko poltsa izanen da, Nafarroako Mendialdeko gizarte eta ekonomia garapenean lagunduko duten proiektuak finantzatzeko. Laguntzak azaroaren 25era arte eskatu ahal izanen dira.
Finantzatuko diren ekimenek ardatz estrategiko batzuk izan beharko dituzte, besteak beste, herritarrak tokian-tokian mantendu eta finkatzea, lehen sektorea eta basogintza, natura baliabideen ustiapen jasangarria, zerbitzuak garatu eta ondareari balioa ematea eta enpresak finkatzen eta enplegua sortzen laguntzea.
Deialdi hau ‘Cederna Garalur Elkartearen Tokiko Garapen Parte-hartzailearen Estrategia (TGPE), 2014-2020’ izena duen estrategian txertatzen da. Hain zuzen, dagoeneko 4,8 milioitik gorako inbertsioa egin da programa honen baitan, toki-garapenerako 151 proiektu publiko eta pribatutan.
Eskaerak, Cedernaren web orrian
Laguntza eskatzeko bete behar diren baldintzen berri, eta bete beharreko eskaera orriak Cedernaren webgunean lortu daitezke: www.cederna.eu. Teknikari arduradunarekin harremanetan jartzeko modua ere bertan topatu daiteke.