Makina bat akademia topatu daitezke Urumea bailaran, atzerriko hizkuntzak ikasteko. Horien artean, beste hizkuntza batzuk ere indartzen ari dira, baina ingelesa eta frantsesa izaten dira gehienek ikasi nahi izaten dituztenak.
Gauza berriak ikasteko ez da sekula berandu Baina egia da umetan, hazteko garian, errazagoa izaten dela eduki berriak barneratzea. Horregatik, Urumea bailaran aurkitu daitezkeen Kids&Us edota London School akademietan, umetatik hizkuntza berriak ikasten hasteko garrantzia azpimarratzen dute.
Atzerriko hizkuntzak, ama hizkuntza bezain erraz
Hain zuzen, hori izan zen Kids&Us akademiaren sorrerako ideia: haurrei ingeleseko klaseak ematea, urtebete egiten dutenetik hasita. «Gure ikasketa prozesuari esker, hizkuntza berria ikasten da ama hizkuntza bera ikasten den modu berean. Urtebetetik aurrerako haurrak hizkuntza berria erabiltzen den giroan murgiltzen dira, modu globalean, mugarik gabe, baina haien adinera egokitutako testuinguru eta egoeretan».
Batzuei goizegi dela iruditu dakieke, baina Kids&Us akademian argi dute: «jaio eta aurreneko urteetan, ikasteko gaitasun oso handia izaten dugu. Gainera, 0 eta 3 urte arteko etapan, hizkuntza deszifratzeko mekanismoak puntu onenean izaten dira, eta Kids&Us metodologiak horixe aprobetxatzen du, hizkuntza berria barneratzen laguntzeko».
Hizkuntzak ikastea, maila bakoitzera egokituak
Umetatik hizkuntza berriak ikasteko aukera ematen dute London School akademian ere. Haurrekin lau urterekin hasten dira lanean, eta klaseak akademian bertan emateaz gain, beste toki batzuetara mugitzeko zerbitzua ere ematen dute bertako irakasleek. Horrela, London School-eko irakasleek klaseak ematen dituzte, adibidez, Astigarragako Ametsa haurtzaindegian, urte beteko umeentzat.
Dena den, sekula ez da berandu hizkuntza berriak ikasteko ere. Horregatik, London School akademian maila desberdinetara egokitutako klaseak ematen dituzte, haur, gazte zein helduentzako: ingeles orokorrekoak, azterketa jakinak prestatzeko klaseak edota klase partikularrak. Horrez gain, udaran ikastaro trinkoak ere izaten dira aukeran, eta atzerrira ikastera joateko aukera ere ematen dute. Era berean, enpresa eta eskoletara egokitutako klaseak ere ematen dituzte, eta baita hizkuntzak irakatsiko dituzten irakasleak formatzeko saioak.
Hau guztia, ingelesez egiteaz gain, frantsesez egiteko aukera ere izaten da.
Hernanin eta Astigarragan, besteak beste
Batean zein bestean, aukera dago ingelesa edota frantsesa ikasteko klaseak jasotzeko, hainbat herritan. Kids&Us Hernanin bertan topatu daiteke, Antziolan. London School, berriz, Astigarragan, Urnietan, Oiartzunen edota Donostian.
Hain zuzen, London School akademiako Urnietako zentroak 25 urte bete ditu aurten. Eta ospatzeko gehiago ere badute. Izan ere, hil honetan, Award Ceremony ekitaldiak egingo dituzte, Cambridge azterketak gainditu dituzten ikasleei ziurtagiriak emateko. «London School of Languages-eko ikasleen %95ek ingeleseko azterketak gainditzen dituzte», ziurtatu dute. Donostian eta Oiartzunen hilaren 15ean egingo dira ekitaldiak; Urnieta eta Astigarragako ikasleentzat, berriz, hilaren 22an, 18:15etan Urnietako Lekaion.