GARAIPEN asteburua izan da pasa dena, Hernanik eta Mundarrok partiduak irabazi baitituzte, eta ez edonola gainera, Hernani eta Mundarroko ateetan ez da gol bat bera ere sartu. Hernanik, ostiralean izan zuen partidua, Aretxabaleta taldearen aurka, eta garaipena lortu zuten etxekoek (4-0). Argi eta garbi, hernaniar gazteak hasieratik indarrez beteta atera ziren zelaira, eta horra hor emaitza. Defentsak ez zuen hutsik egin, hori dela eta, aretxabaltarrek ez zuten aukerarik izan golik sartzeko. Erasoan ere dena eman zuten hernaniarrek, eta aretxabaltar gazteei 5 gol sartzea lortu zuten. Hernanik 14 puntu lortu ditu, eta seigarren doa sailkapenean. Aurretik Urola taldea eta atzetik berriz, Mutrikuko taldea dituela. Datorren partidua, hurrengo igandean izango da, Elgoibarren aurka.
Hernanik 14 puntu lortu ditu eta seigarren doa sailkapenean. Urola aurretik eta Mutriku atzetik dituela.
Mundarrok ere garaipena
Mundarrok ere, garaipena lortu zuen ostiralean, 5-0 emaitzarekin, Berako Gure txoko taldearen aurka. Mondarroko gazteak, hasieratik atera ziren dena emateko prest, eta partiduko lehenengo ordu laurdena bete aurretik, bi golekin, lasaitasun apur bat lortu zuten. Hala ere, hurrengo aukera ikusi bezain laister, hirugarren gola sartu zuten. Minutuak aurrera egin ahala, erritmoa jeitsi zuten astigartarrek, partidua esku artean baitzeukaten. Beraz, lehenengo zatia 3-0 emaitzarekin amaitu zuten. Bigarren zatia baina zerbait lehenago, euri jasa botatzen hasi, eta berehala bete zen urez Astigarragako futbol zelaia. Etxekoek bazekiten zein taktika erabili kasu honetan, eta euri putzuak aprobetxatu ziztuzten, Berako Gure Txokoa taldea garaitzeko. Hori dela eta, hiru aukera paregabe izan zituen talde moreak, eta horietan asmatu zuten, bitan Beñatek, eta beste batean Iñakik sartu zuen, penaltiz. Gol gehiago sartzeko aukera ere izan zuten, baina atetik ez zen baloi gehiagorik sartu, beraz 5-0 eko amaitzerekin, ederki posizionatu da astigartar talde morea.