ERRIGORAren udazkeneko kanpaina martxan da, eta ohi bezala, helburu zehatz bat dauka: Nafarroako hegoaldeko produktuz osatutako saskiak, milaka etxetara eramatea.
Auzolanari esker, Nafarroako euskalgintzari ekarpen ekonomikoa egiten zaio urtero, eta aurtengo kanpaina honetan, hiru saski emango dira aukeran.
Eskariak online egin ahal izango dira, www.errigora.eus webgunearen bidez; azaroaren 20ra arte izango da aukera.
Ondoren egingo dute banaketa, herriz herri. Hernanin, abenduaren 13a izango da banaketa eguna; Plazan izango dira, goizeko 11:00etatik arratsaldeko 19:30etara.
Orainartekoak, oinarri
Orain arte, ia 80.000 saski eraman dituzte Errigorakoek Nafarroako hegoldeko baratzetik, Euskal Herriko txokoetako sukaldeetara, eta ia 1.000.000 euro bideratu dituzte, Euskal Herriko txoko guztietatik Nafarroa hegoaldeko euskalgintzara.
Auzolan erraldoi honi dagoeneko eman diote hasiera. Berrikuntza batekin eman diote, gainera: bi saski izan beharrean, hiru izango dira, oraingo honetan, eta haietako bat gabonetako saski baten tankerakoa izango da.
Azkenik, Errigorako kideek azpimarratu nahi izan dute, euskara sustatzea ere helburu dutela, eta «Euskal Herri osoan zubiak eraikitzea ere».