URUMEA ELIZA

Egun seinalatuetan, mezak bihar eta etzi

Hainbat elizkizun eskainiko dituzte Urumea bailaran, Santu Guztien eta Hildakoen Egunez.

Santu Guztien Eguna da bi­har, eta Hildakoen Eguna etzi; eta bi egun seinalatuetan, hainbat meza izango dira, ohi bezala, Urumea bailaran.
Hernanin, hiru elizkizun izango dira bihar: Agustine­tan aurrena, 09:00etan; Floridako San Jose Langilea elizan gero, 11:00etan; eta San Joan Bata­ia­tzailean azkenik, 12:00etan. Eta larunbatean, beste bi meza izango dira: goizeko 09:00etan Agustinetan, eta arratsaldeko 19:00etan San Joan Bataia­tzai­lea parrokian.
Ereñotzun, berriz, biharko egunez izango dute elizkizuna, 10:00etan San Antonio elizan.
Eta Astigarragan, bi egu­ne­tan dauzkate hitzorduak. Bi izango dira bihar, Santu Guz­tien Egunez: goizeko 10:30etan Andre Maria elizan, eta eguer­diko 12:00etan kanposantuan. Eta etzi, hildakoen oroimenez, kanposantuan eskainiko dute elizkizuna, 11:00etan. 
Gainera, etzidamu, faltetako igandeko meza izango da Andre Ma­ri­a elizan, goizeko 10:30etan hasita; eta elizkizun horretan ospatuko dute, baita ere, familien meza