Astigarragako eta Hernaniko eskubaloi talde nagusiak gaur, 18:00etan jokatuko dute etxean, Eibar eta Zarautzen kontra. Mundarroko neska jubenilek bi partidu irabazi dituzte eta bakarra galdu eta gaur lider eibartarrak izango dituzte aurkari. Partidu zaila astigartarrentzat. Talde berean jokatzen dute Hernaniko neskak, baina jardunaldi honetan atsedena dute.
Ez da mutilen kasua. Hernaniko talde jubenilak Zarautz B-ren aurka jokatuko du kiroldegian. Hernanik lehenengo garaipena nahi du lortu garaipen bakarra duen talde baten kontra.
Kadete neska-mutilak eta infantil mutilak ere kiroldegian
Kiroldegian beste hiru partidu jokatuko dira asteburuan. Kadete mutilen taldeetako batek Elgoibar hartuko du gaur, 16:00etan. Kadete neskek, bihar 10:15etan, Leizaran dute aurkari eta infantil mutilen taldeetako batek gaur, 16:00etan, Eibarren aurka jokatu dute. Beste talde guztiek kanpoan ariko dira.