Hernaniko Liga Nazionaleko jubenil taldeak partidu garrantzitsua jokatuko du gaur, 16:30etan, Zubipen Vasconiaren aurka. Hernaniarrek zazpi puntu dituzte zazpi partiduetan eta garaipenaren beharrean aurkitzen dira behealdeko postuetatik aldentzeko, 13garren baitaude sailkatuta. Gainera Zubipen asteburuan talde nagusiek jokatuko duten partidu bakarra izango da.
Euskal Ligako neskek Sestaon jokatuko dute bihar, 17:00etatik aurrera, eta laugarren garaipenaren bila joango dira azkenaurrena sailkatua dagoen taldearen aurka. Ohorezko erregional mailako taldea gertuago ariko da gaur, Irungo Galen, 16:00etan Real Unionen kontra. Hernaniarrak bosgarren daude sailkatuta, eta irundarrak 14garren postuan daude.
Klubak atzo taldeko argazkia atera zuen Biteri aurrean. Bertan bildu ziren ehundaka jokalari, talde eta maila guztietakoak.
Oiartzun-Mundarro, gaur arratsaldean
Mundarrok ere kanpoan jokatuko du, nahiz eta etxetik gertu izango den. Oiartzun dute aurkari Karla Lekuonan, gaur, 16:15etatik aurrera.