Seigarren jardunaldiko partidua jokatuko dute gaur, mutilen Gipuzkoako lehenengo mailako bi taldeek, etxetik kanpo.
Oiartzunen jokatuko du Hernanik, arratsaldeko 16:00etan, Elorsoro kiroldegian. Oiartzungo Saskilagunak taldea izango dute aurrean, eta hasiera onari segida eman nahi diote hernaniarrek: hiru garaipenekin, zazpigarren daude, baina garaipen bakarrera dute liderra. Oiartzuarrak, bi garaipenekin daude.
Mundarro, berriz, Donostian ariko da ordu berean, arratsaldeko 16:00etan. Donosti Dolphins taldearen kantxan jokatuko du, Benta Berrin; eta partidu zaila daukate astigartarrek: bost partiduetatik lau irabazi dituzte donostiarrek, eta laugarren daude, liderrarekin berdinduta. Mundarro, berriz, hasiera zailari buelta eman ezinik dabil, eta partidu bakarra irabazi du.
Mundarroko bigarren mailako neskek, aldiz, atzo iluntzean jokatu zuten, Astigarragako kiroldegian, Tecnunen kontra.