Astigarragako EH Bildu eta EAJ-PNV udal taldeek eta Hernaniko EH Bildu, EAJ-PNV eta Elkarrekin Podemos-OH udal taldeek adierazpen instituzionala egin dute Kataluniako Procésaren aurkako urriaren 14an ezagutzera eman den epaia dela eta. «Epaiaren aurrean, preso eta erbesteratu politikoei, herriari eta erakundei elkartasuna» adierazi diete Hernaniko hiru alderdietako ordezkariek. Astigarragakoek «astigartarrei deialdia egiten diegu gaur 12:15etan Txingurriko biribilgunean egingo dugun elkarretaratzean parte hartzeko».
Elkarretaratzeak gaur eta manifestazioa larunbatean, Donostian
Lantoki guztietan ere elkarretaratzeak antolatu dira gaurko eta udaletxeko langileek 12:00etan egingo dute Plazan.
Gure Eskuk, larunbatean, manifestazioa egingo du 17:30etan Antiguoko zubitik abiatuta eta horretara joateko deia egin dute ELA, LAB, Steilas, ESK, Etxalde eta Hiru sindikatuek eta baita Hernaniko Udalak ere Erreferenduma ez da delitua lelopean.