Larunbatean emango zaio hasiera Gipuzkoako Bertsolari Txapelketako final-laurdenen faseari. Hernaniko Iraulio Panttalone Bertso Kabiyako bost kidek kantatuko dute fase honetan, eta lau, asteburu honetan bertan ariko dira.
Final-laurdenetako aurreneko saioa larunbatean jokatuko da, Andoaingo Bastero Kulturgunean, 17:00etan hasita. Bertan hartuko dute parte sailkatzea lortu duten Asier Azpiroz zubietarrak eta Eñaut Martikorena hernaniarrak. Saioa osatuko dute Beñat Iguaran, Iban Urdangarin, Iñaki Apalategi eta Unai Mendizabalek.
Igandean, berriz, Irungo Amaia Kultur Zentroan egingo da saioa, 17:00etan, eta bertan ariko dira Unai Gaztelumendi añorgarra, eta iaztik sailkatuta dagoen Agin Laburu astigartarra. Haiekin batera ariko dira Beñat Lizaso, Haritz Mujika, Iñigo Izagirre eta Maider Arregi.
Hernaniko bertso eskolako bosgarren kidea, fase honetan ariko dena, Beñat Gaztelumendi añorgarra da; azken txapelduna da, eta azaroaren 2an kantatuko du.
Saioko aurrenekoak zuzenean finalerdietan izango dira.
Sarrerak, salgai
Sarrerak, saio guztietarakoak, salgai daude, internet bidez: www.bertsosarrerak.eus.