Hitzaldia antolatu du larunbat honetarako, MSPE elkartak (Madres Solteras Por Elección). Elkarteko kide direnentzat izango da saioa, eta Livia González Lama abokatuak eskainiko du, kultur etxean, goizeko 10:00etatik 13:00etara. Tutoretzari buruz ariko da, bertan: Tutoretza, nork, nola eta noiz. Gaztelaniaz emango du hitzaldia.
Jakinarazi dute, gainera, haurren zaintza zerbitzua ere izango dela, hitzaldiak irauten duen hiru orduetan.
Zuzenbidean lizentziatua da González Lama, ekonomian espezializatua, Deustuko Unibertsitatean; Integrazio Europarreko Masterra ere badauka. Legal Barakaldo abokatu eta prokuradore taldeko kidea da, gaur egun.