Aurten ere, izango dute aukera 6-12 bitarteko haurrek Jolas-berri aisialdiko ekintza hezitzailean izena emateko. Astigarragan bizi diren haurrek parte hartu dezakete bertan, eta deialdia irekia den arren, haur kopurua mugatua izango da. Hortaz, kanpoan gelditzen diren haurrekin itxaron zerrenda bat osatuko da. Egitasmoa urriaren 14an hasiko da, eta ordutegia astelehenetik ostegunera bitartean izango da, 16:40etatik 18:00etara, eta horietatik bi egun aukeratu beharko dira. Gaur eta ostegunean izango da izena emateko aukera, Arrobitxuloko lokalean, 16:30etatik 18:00etara; edo bestela, telefono honetara deitu daiteke: 629 823 743.