Boleibol maratoia egin zuen larunbatean Hernaniko boleibol taldeak, eta nahiz eta hasiera ezusteko batekin hasi, «ezin hobeto» joan zela adierazi dute. Denera 34 partidu jokatu ziren, eta horri esker, «giro ezin hobea» bizitu zen egun osoan zehar.
Saski bat matxuratuta, hasieran
Goizean goiz elkartu ziren taldeak, baina ezustekoa izan zuten hasieran: «Murphiren legea bete zen, eta saski bat matxuratu eta kantxa bat ez zen erabiltzeko moduan egon ordubetez».
Dena den, kiroldegiko mantenu-langileak «fin» ibili zirela eskertu dute, eta haiei esker, «ordubete eskasean» arazoa konpondu zutela.
Harrerako langileei ere, eskerrak eman nahi izan diete, «beraien pazientzia eta ulermenagatik, ez baita erraza berrehun kirolari inguruk sortzen dituzten kontuak kudeatzea», onartu dute antolatzaileek.
Galdakaok eskuratu zuen kopa mutiletan; eta Fortunak, nesketanHiru partidu, etxekoek
Goizean hasi eta iluntzera arte jokatu ziren 34 partiduetatik hiru jokatu zituen Hernaniko mutilen senior taldeak.
Garrantzitsuak izan ziren oso partidu hauek, izan ere, talde bezala jokatu zituzten aurrenekoak izan ziren.
Lehenengo partiduan, Navarvolei izan zuten aurkari. 0-2 galdu zuten (22-25 eta 27-29), baina oso pareko ibili ziren bi taldeak.
Bigarrenean, Gasteizko Udapa Lankide taldea izan zuten aurrez aurre. 1-2 galdu arren, oso parekatuta aritu ziren, hemen ere.
Azkeneko partidua Gasteizko Udapa Aranzbizkarra taldearen kontrakoa izan zen. Aurreneko sorpresa eman zuten orduan;?2-0 irabazi zieten hernaniarrek.
Balantze ona egin zuten beraz, eta akatsak non dauzkaten ikusita, horiek zuzentzeko lana egiten jarraituko dute.
Finala, aldiz, Galdakao eta Bera Beraren artean izan zen, eta lehia borrokatuaren ondoren, Bizkaiara joan zen kopa, galdakcoztarren eskutik.
Nesken arteko finala, aldiz, Fortuna eta Galdakaoren artean izan zen, baina kasu honetan, Donostiara eraman zuten garaipena.
Esperientzia polita, taldeek
Jardunaldiaren ondoren, esker eta zorion-mezu ugari jaso zituztela adierazi dute Hernaniko Boleibol Taldeko antolatzaileek. Orokorrean onartu diete dena primeran joan dela, eta «egun ederra» pasa zutela Hernani aldean.
Hernaniko taldeak ere, egin du balorazioa; antolatzaileen iritziz, «partidu bikainak eta maila ederra» ikusi ahal izan ziren.